လှိုင်သာယာ အလုပ်သမားများ ဆက်လက်ဆန္ဒပြ၊ လုံခြုံရေး တင်းကျပ်

မဇ္ဈိမသတင်းဌာန | အင်္ဂါနေ့၊ ဖေဖေါ်ဝါရီလ ၀၉ ရက် ၂၀၁၀ ခုနှစ် ၁၄ နာရီ ၅၈ မိနစ်  

နယူးဒေလီ (မဇ္ဈိမ)။     ။ လှိုင်သာယာ စက်မှုဇုန် ၃

ရှိ အလုပ်သမား ၂၀၀၀ ခန့်က လုပ်ခ တိုးမြှင့်ပေးရန် အတွက် ဒုတိယ မြောက် နေ့အဖြစ် ယနေ့ ဆက်လက်ဆန္ဒပြရာ အဓိကရုဏ်းနှိမ်နင်းရေး တပ်ဖွဲ့ဝင်များ ရောက်ရှိလာကြောင်း သိရသည်။ အနည်းဆုံး စက်ရုံ ၃ ရုံမှ အလုပ်သမားများက ယနေ့ နေ့လည်ပိုင်းမှ စတင်၍ ဆန္ဒပြခြင်းဖြစ်ပြီး၊ အခင်းဖြစ်ရာသို့ မီးသတ်ကားများ၊ အချုပ် ကားများနှင့် လုံထိန်းရဲ စုစုပေါင်း ရာနှင့်ချီ၍ ရောက်ရှိနေခြင်း ဖြစ်သည်။ ''ဒီနေ့မနက်က ဆန္ဒပြတာပါ။ ဗိုလ်ချုပ်ခင်ရီ ရောက်နေတယ်။ ရဲအင်အားကတော့ အများကြီးပဲ သွားကြ တယ်။ ခန့်မှန်းလို့ကတော့ မရဘူး။ တပ်ရင်းတွေကရော၊ တိုင်းကရော လာတယ်။ စက်ရုံက မနက်က ၃ ရုံ ဆန္ဒပြတာ။ OPAL 2 (အထည်ချုပ်)၊ ကျားလေး (ဖိနပ်စက်ရုံ)၊ တိုင်ရီ (ဖိနပ်စက်ရုံ) မှာ ဖြစ်တာ” ဟု လှိုင်သာယာ ရဲစခန်းမှ တာဝန်ကျ ရဲဝန်ထမ်းတဦးက မဇ္ဈိမကို ပြောသည်။ လှိုင်သာယာရှိ ကျောင်းဆရာမ တဦးကလည်း “လှိုင်သာယာ စက်မှုဇုန် အမှတ် (၃) လမ်းတွေကို တင်း ကျပ် စွာ ပိတ်ဆို့ထားတယ်။ ရဲကား ၃ဝ လောက် ကားလမ်းတွေမှာ တန်းစီနေတယ်” ဟု မဇ္ဈိမကို ပြောသည်။ ဆန္ဒပြပွဲရှိရာသို့ ရဲချုပ် ဗိုလ်ချုပ်ခင်ရီကိုယ်တိုင် ရောက်ရှိလာကြောင်း ဒေသခံများအကြား ပြောဆိုမှုများ လည်း ရှိနေသည်။ ရန်ကုန်တိုင်း ရဲတပ်ဖွဲ့သို့ ဆက်သွယ်မေးမြန်းကြည့်ရာ တာဝန်ကျ ရဲအရာရှိက ဖြေဆိုရန် ငြင်းဆန်ခဲ့သည်။ အလုပ်သမားများက လစာကို ကျပ်တသောင်း ထပ်ဆောင်းပေးရန်၊ လက်ရှိ လုပ်နေရသည့် နံနက် ၇ နာရီမှ ည ၁၁ နာရီ သတ်မှတ်ထားသည့် အလုပ်ချိန်ကို လျှော့ပေးရန်နှင့် အလုပ်သမားများ စားသောက် နေထိုင် သည့် နေရာများ သန့်ရှင်းရန်တို့ကို တောင်းဆိုနေခြင်း ဖြစ်သည်။ ယမန်နေ့ နေ့လည်ပိုင်းတွင် စက်မှုဇုန် ၃၊ အမှတ် ၃/၃၆ ရှိ ကိုရီးယားနိုင်ငံသားပိုင် (OPAL 2) မြဖက်ရှင် အထည်ချုပ်စက်ရုံမှ အလုပ်သမား ၁၄ဝဝ ခန့်သည် လုပ်ခလစာ တိုးမြှင့်ပေးရန် စတင်ဆန္ဒပြခဲ့သည်။ အလုပ်သမားများနှင့် စက်ရုံ တာဝန်ရှိသူများအကြား ယခုတိုင် ညှိနှိုင်းမရသေးသလို၊ အဖမ်းအဆီးများလည်း မရှိသေးကြောင်း ဒေသခံများက ပြောသည်။

လှိုင်သာယာ စက်မှုဇုန်များတွင် ပြီးခဲ့သည့်လအတွင်း အလုပ်သမား များ က လုပ်ခလစာနှင့် ခံစားခွင့်ဆိုင်ရာ ဆန္ဒပြပွဲ ၂ ရပ် ဖြစ်ပွားခဲ့သေးသည်။ စက်မှုဇုန် ၂ ရှိ ပုစွန် အအေးခန်းစက်ရုံ အလုပ်သမား ၁ဝဝ ခန့်က ဇန်နဝါရီလ ၇ ရက်နေ့တွင်လည်းကောင်း၊ စက်မှုဇုန် ၃ ရှိ Weng Hong Hung အထည်ချုပ်စက်ရုံ အလုပ်သများက ၁၇ ရက်နေ့တွင်လည်း ကောင်း ဆန္ဒပြခဲ့သည်။ လှိုင်သာယာ စက်မှုဇုန်တွင် လုပ်သား အင်အား ၅၀၀၀၀ (ငါးသောင်း) မှ ၇၀၀၀၀ အတွင်းရှိပြီး မြန်မာနိုင်ငံတွင် အကြီးဆုံး စက်မှုဇုန်ဖြစ်ကာ အ အေး ခန်းစက်ရုံများ၊ အထည်ချုပ်၊ စားသောက်ကုန်၊ သစ်အချောထည်၊ ဓာတုဗေဒ၊ အိမ်သုံးကုန်ပစ္စည်း စသည့် စက်ရုံပေါင်း ၈ဝဝ ကျော် ရှိ နေ သည်။ ၎င်းတို့အနက် စက်ရုံ ၄၀၀ ကျော်သာ လည်ပတ်နေကြောင်း လှိုင်သာ ယာ စက်မှုဇုန် စီမံခန့်ခွဲရေး ကော်မတီ အဆိုအရ သိရသည်။