အဖေအိမ်သို့

အိမ်ဂေဟာစည်တီးခတ်လို့

ရွင်ပြပြလွန်သာယာ

တချို့ကမနိန်သာ

အတ္တဒိန်လွန်ကု့လို့

တကိုယ်သာကောင်စားဖို့အရေး

အသားမှလောက်ဒိန်ထွက်ို့

သစ္စာဖေါက်လိုက်သိမ့်။။

လူတိုင်းကမဖြေသာ

ပြည်ရွာကမအီး

ဥပါဒ်ဒိန်ကိုယ်စီနန့်

ဒုက္ခဒိန်ကိုယ်စီနဲ့

သောက ဒိန်ဖိစီး။

ထက်မြက်သူတစ်ုမှာ

မနိန်သာ အဝီးပြီးလို့

ပြည်ပသို့ရောက်ဟိလာ

အဖအိမ်အို ပြန်လည်ဆောက်ဖို့

အားမွီးလိုက်ကြသိမ့်

ကျန်ခသူ အဖအိမ်အိုမှာ

နအဖ စစ်ဘီလူးက

ဟိသမျှအကုန်ဝင်စားလို့

သင်္ဃာတောင်နိန်မရအောင်

ဒုက္ခဒိန်ပုံကာပီးပြီး

လူဒိန်မှာ ပြောစရာမဟိန့်ဗျာလ်

သောကမီးဟုန်းဟုန်းတောက်လောင်။

သာသနာကွယ်ပျောက်လို့

ဓါးကုတ်တောင်ကိုယ့်နောက်မပါကေ

လူမျိုးဆိုဝေလာဝီးလို့

စဉ်းစားရန်ခက်ခဲ။

အဖအိမ်ပြိုကာပျက်

အသက်လည်းဆုံးဗျာလ်

ာကတ်ဝေးညီညီညာညာ

ပြင်မေဝေးရခိုင်သား

ပြိုလဲနိန်အဖအိမ်ကို

ပြန်လည်ကာအသစ်ဆောက်မေ

အားလုံးသူစုပေါင်းကာ

ကြိုးစားမေလေ။

  (သူရိန်ထွန်း ( သန္တမြီ))