.jpg)
ခေတ်ကာလပျက်နန့် စိတ်ကူးပျက်တိ
ရာဇ၀င်ရီစီးကြောင်းမှာ သစ်ရွက်ကြွီရွက်လွင့်
နိုးထတေလင်းအာရုဏ်မှာ ကမ်းလင့်ဖို့
လက်တကမ်းမဟိခ
လူးလှဲထပနာ
အရောင်ပြောင်းလဲဖို့
ကြိုးစားတိုင်း
မိုးတိမ်တိခေါ်ရေ နောက်က
လိုက်နိန်မိခရေ။
အပျက်ပျက်နန့်
နှာခေါင်းသွီးထွက်တေ
အဖြစ်ထက်
တနင်္ဂနွီဆိုးမှာ ရက်ပြတ်ချည်း
သမိုင်းက နှစ်ခါမနစ်နာဗျာလ်
အိပ်မက်ဟောင်းက အိပ်မက်သစ်ကို
စားသောက်ယင်းနန့်
စိတ်ကူးသစ်က စိတ်ကူးဟောင်းကို
စားသောက်ယင်းနန့်
ဝင်္ကပါဆန်ရေ ဒေဘ၀အပိုင်း
တစိတ်တဒေသမှာ
ပရိတ်သတ်တိ ကြိုက်ကတ်တေ
မျက်လည့်ပွဲကို ကြည့်မိဖူးခရေ။
ထင်ကျန်ရေ နိမိတ်ပုံတိနန့်
မျက်ရည်မိုးစက်တိ
လွမ်းရေးထက် ၀မ်းရေးပူဆာမနိန်လို့
အမိမဲ့သား ရီနည်းငါး
(ဘ၀ဆိုစွာ၊ထုဆစ်ဖို့လား၊ထုထောင်း ဖို့လားယေ)
အခက်အခဲက်မဲ့ဖြစ်လို့နိန်စွာထက်
လောကဓံမှာ အမှန်တရား
အထီးကျန်စွာက ခက်တေ
တောင်းတတိုင်းရာဖြစ်ဖြစ်
မပြည့်ခရေရီအိုးဘောင်ဘင်ခပ်ခလည်း
ရွှေဘုံရွှေနန်း ရွှေရောင်ရက်မြတ်
လတ်ဆတ်တေ လီတိကြားက
မြီနိမ့်ရာမှာ လှံစိုက်ခံဖူးခရေ။
အိုက်တင်ခံနိန်စွာထက်
လက်ဝါးဖြန့်တတ်ဖို့ကအရေးကြီးနိန်
လားး ခေတ်တခုကုိုကိုင်ပေါက်တိုင်းရာ
အရာအားလုံး တော်လှန်ရဖို့ဆိုကေ
သမိုင်းနန့်သူရဲကောင်းဝါဒတိကို
ကမ္မ၀ါဖတ်ဖို့ လိုလာကေလေ့
ပစ္စက္ခမှာ အမှန်တရားအတွက်
ဆိုခရေးတီးပိုင် အဆိပ်သောက်ဖို့
ဝန်လီးနိန်ကတ်စွာ မြင်ခရဖူးရေ။
( မင်းစောရခိုင်) ( EC)
